Gæða- og eftirlitsstofnun velferðarmála (GEV) sinnir eftirliti með gæðum þjónustu. Eftirlit getur verið reglubundið, byggt á áhættumati eða vegna ákveðins tilefnis, ábendinga eða upplýsinga sem stofnuninni hefur borist vegna kvörtunarmála. 

Ferli frumkvæðiseftirlits GEV aflar allra upplýsinga og gagna sem teljast nauðsynleg fyrir eftirlit stofnunarinnar 

• GEV sendir tilkynningu til þjónustuveitenda um upphaf frumkvæðiseftirlits.  

• Fundað er með þjónustuveitendum. 

• Gagnaöflun fer fram, t.d. með vettvangsathugunum, viðtölum, spurningakönnunum eða öðrum aðferðum sem taldar eru henta best hverju sinni. Lögð er áhersla á að notendur þjónustu fái tækifæri til að koma sínum sjónarmiðum á framfæri.  

• Gagnagreining og skýrslugerð.  

• Útgáfa skýrslu eða útdráttar úr henni. Ef tilefni er til setur stofnunin fram tilmæli um úrbætur sem gera verður innan ákveðins tíma.