Gæða- og eftirlitsstofnun velferðarmála hefur eftirlit með gæðum þjónustu sem lýtur eftirliti stofnunarinnar, tekur á móti og vinnur úr kvörtunum frá notendum þjónustu, ábendingum um misbrest í þjónustu og tilkynningum um alvarleg óvænt atvik. Einnig sinnir stofnunin frumkvæðiseftirliti og öðrum verkefnum sem henni eru falin samkvæmt ákvörðun ráðherra.
Markmið með starfsemi Gæða- og eftirlitsstofnunar velferðarmála er að sú þjónusta sem lýtur eftirliti stofnunarinnar sé traust, örugg og í samræmi við ákvæði laga, reglugerða, reglna, samninga og leiðbeininga.
Félagsmálanefndir skulu sjá til þess að veita þeim fjölskyldum og einstaklingum, sem ekki eru færir um það sjálfir, úrlausn í húsnæðismálum til að leysa úr bráðum vanda á meðan unnið er að varanlegri lausn.
Sótt er um leyfið á grundvelli 8. og 9. gr. laga um Gæða- og eftirlitsstofnun velferðarmála nr. 88/2021 og 46. gr. laga um félagsþjónustu sveitarfélaga nr. 40/1991
