Stuðningsfjölskylda

Stuðningsfjölskylda

Stuðningsfjölskylda er aðili sem fenginn er á vegum barnaverndarnefndar fyrst og fremst til að taka á móti barni, eða í sumum tilvikum barni og foreldrum, á einkaheimili í því skyni meðal annars að tryggja öryggi barnsins, létta álagi af barni og fjölskyldu þess og leiðbeina foreldrum og styðja þá í uppeldishlutverkinu.

Sótt er um leyfið á grundvelli 8. og 9. gr. laga um Gæða- og eftirlitsstofnun velferðarmála nr. 88/2021, 85. gr. barnaverndarlaga nr. 80/2002 og 15. gr. laga um þjónustu við fatlað fólk með langvarandi stuðningsþarfir nr. 38/2018.

 

Ferill umsóknar um leyfi til að gerast stuðningsfjölskylda:

 

 

Hægt er að sækja um leyfið á “Mínum síðum”.

 

Nauðsynleg fylgigögn fyrir umsókn:
  • Samþykki fyrir öflun sakavottorðs allra heimilismeðlima eldri en 15 ára
  • Læknisvottorð – (sem staðfestir heilsufar viðkomandi og hvort umsækjandi er með langvinna sjúkdóma, líkamlega eða af geðrænum toga sem hafa áhrif á daglega virkni hans)
    • Hægt er að afla læknisvottorðs hjá heimilislækni

 

Nauðsynleg fylgigögn fyrir endurnýjun umsóknar:
  • Samþykki fyrir öflun sakavottorðs allra heimilismeðlima eldri en 15 ára
  • Læknisvottorð – (sem staðfestir heilsufar viðkomandi og hvort umsækjandi er með langvinna sjúkdóma, líkamlega eða af geðrænum toga sem hafa áhrif á daglega virkni hans)
    • Hægt er að afla læknisvottorðs hjá heimilislækni

Til viðbótar við umsókn og framlögð gögn óskar Gæða- og eftirlitsstofnun velferðarmála eftir umsögn um umsækjanda og aðstæður hans til barnaverndarnefndar í heimilisumdæmi umsækjanda. Þegar öll gögn og upplýsingar liggja fyrir getur stofnunin lagt endanlegt mat á umsóknina og tekið ákvörðun um hvort leyfi verði gefið út.

 

Tenglar á lög og reglugerðir vegna umsóknar um leyfi til að gerast stuðningsfjölskylda

Lög um Gæða- og eftirlitsstofnun velferðarmála nr. 88/2021

Barnaverndarlög nr. 80/2002

Reglugerð um úrræði á ábyrgð sveitarfélaga samkvæmt ákvæðum barnaverndarlaga nr. 652/2004

Lög um þjónustu við fatlað fólk með langvarandi stuðningsþarfir nr. 38/2018